რაღაც ისე არ წავიდა. ,,ქართული ოცნება'' საქციელწამხდარია, თუმცა იხტიბარს არ იტეხს.
პარლამენტის ვიცე სპიკერი მანანა კობახიძე კორცხელში ორგანიზებულ რბევას ეხმაურება და არ გამორიცხავს, რომ "ეს პროვოკაცია "ნაციონალურ მოძრაობას" სჭირდებოდა იმისთვის, რომ ხვალინდელ სხდომაზე ევროპელ კოლეგებს წაქცეული, თუ ნაცემი ბოკერია-მელიას ფოტოები აუფრიალონ და საარჩევნო პროცესის და მთლიანად, ხელისუფლების დისკრედიტაცია კიდევ ერთხელ სცადონ".
"ხელისუფლებაში ახლა ჩვენ ვართ და განცხადებებით ვერ შემოვიფარგლებით. თუ კანონი დაირღვა, პროვოკაცია დაიგეგმა, განხორციელდა თუ კიდევ იგეგმება, არ ვიცი, პასუხი უნდა მოეთხოვოს ყველას. საარჩევნო პროცესისთვის, ხმის მიცემისთვის ხელშეშლა, ამომრჩეველზე ზეწოლა, უბნებზე წესრიგის დარღვევა, ძალადობა, ცემა დანაშაულია და სწორედ, სამართალდამცავი ორგანოებისგან, პოლიციისგან მოვითხოვ შესაბამის და დროულ რეაგირებას, თუ ვინმე ქვას ისვრის, განცხადებით კი არა კანონით უნდა ვუპასუხოთ. ერთხელ და სამუდამოდ, უნდა დამთავრდეს ძალადობა ამ ქვეყანაში და ამისთვის კონკრეტული მოქმედება და დანაშაულის აღკვეთაა საჭირო, ვინც არ უნდა ჩაიდინოს ის",-აცხადებს კობახიძე.