.
,,აფხაზეთის ხმა"' ავრცელებს ასლს დეპეშისა, რომელიც ხურჩაში საოკუპაციო რეჟიმის მიერ მოკლული გიგა ოთხოზორიას ოჯახმა ცოტა ხნის წინ საქართველოს მესამე პრეზიდენტისგან, მიხეილ სააკაშვილისგან მიიღო.
,,შეძრწუნებული ვარ ამ საზარელი მკვლელობის გამო და მთელი გულით გიცხადებთ თანაგრძნობას. შეუძლებელია სიტყვებით გადმოვცე ის ტკივილი, რომელსაც გიგას მკვლელობის გამო განვიცდი. რუსეთის იმპერიის არაადამიანობას კიდევ ერთი უდანაშაულო ქართველი შეეწირა.
მე გაძლევთ პირობას, რომ ბოლომდე ვიბრძოლებ იმისათვის, რომ ჩვენი ხალხი აღარ ეწირებიდეს რუსეთის იმპერიალისტური სახელმწიფოს ბოროტებას. ვიდგები სისხლის უკანასკნელ წვეთამდე, რომ ჩვენს სამშობლოში აღარ იყოს ოკუპაცია და გიგას შვილებმა იცხოვრონ დამოუკიდებელ საქართველოსი.
ჩვენი ქვეყანა აუცილებლად იქნება თავისუფალი!
გულითადი პატივისცემით- მიხეილ სააკაშვილი