„სამეგრელოს ხმის“ დამფუძნებელი თენგიზ ჯგუშია ხანგრძლივი პაუზის შემდეგ ასპარეზზე დღევანდელი ბრიფინგით გამოჩნდა, სადაც ჟურნალისტებს ახალი იდეის შესახებ განუცხადა. ჯგუშიამ 2014 წლის ადგილობრივი თვითმმართველობის არჩევნებზე ისაუბრა და აღნიშნა, რომ მაშინ ამომრჩევლის 70-მა პროცენტმა უნდობლობა გამოუცხადა ყველა წარმოდგენილ პარტიას. თენგიზ ჯგუშიას განმარტებით, იმისთვის, რომ ამომრჩეველმა სწორი არჩევანი გააკეთოს, აუცილებელია მათი სწორად ინფორმირებულობა.სამეგრელოს ხმის დამფუძნებელი ბრიფინგზე სოფელ რიყეში წყლის მილების ქურდობის გახმაურებულ თემასაც შეეხო და აღნიშნულ საქმეში მთავარ დამნაშავეებად ადგილობრივი ხელისუფლების მაღალჩინოსნები დაასახელა.ჯგუშიამ სამეგრელოს გუბერნატორი არა მარტო წყლის მილების საქმეში, არამედ კლანურ მმართველობასა და თხილის ბიზნესის მონოპოლიაშიც დაადანაშაულა. „სამეგრელოს ხმის“ ლიდერი 2016 წლის საპარლამენტო არჩევნებში ჩართვას გეგმავს, როგორც აქტიური მოქალაქე. ამის შესახებ თენგიზ ჯგუშიამ დღეს გამართულ ბრიფინგზე განაცხადა.