აფხაზეთში სანადირო იარაღის მფლობელი 10 ათასი მონადირეა რეგისტრირებული. ოფიციალურ ინფორმაციას ამის შესახებ ოკუპირებული აფხაზეთის ე.წ. შსს სამინისტროს საზოგადოებრივი უსაფრთხოების სამმართველოს სალიცენზიო ნებართვის განყოფილება აქვეყნებს.
9 აპრილისათვის დასრულდა იმ პირთა ხელახალი რეგისტრაცია, რომელნიც სანადირო იარაღს ფლობენ და აქვთ ნადირობის ოფიციალური ნებართვა. როგორც შსს სამინისტროს გაფართოებულ საანგარიშო სხდომაზე ითქვა, დღეს ოფიციალურად არის აღრიცხული 10 375 მონადირე და მათ განკარგულებაში არსებული 8479 ერთეული გლუვლულიანი და 3653 გადაჭრილი თოფი. შემოწმების შედეგად გამოვლინდა და ამოღებულ იქნა 41 ერთეული უკანონო, გაუფორმებელი იარაღი, მათ შორის 6 ერთეული გადაჭრილი და 35 გლუვლულიანი სანადირო თოფი.
თუ გავითვალისწინებთ აფხაზი მოსახლეობის რაოდენობას, 10 ათასი მონადირე და 1200 – ზე მეტი სანადირო იარაღი მეტისმეტად დიდი ციფრია, გამოდის, რომ ყველა ოჯახი შეიარაღებულია. ვისზე თუ რაზე ნადირობს ან აპირებს ნადირობას აფხაზეთში მცხოვრები თითქმის ყველა ზრდასრული მამაკაცი?
ცნობისათვის – დარეგისტრირებულთა შორის არ არიან ქართველები, მათ ნებისმიერი იარაღის ტარება ეკრძალებათ.