სამოქალაქო სექტორის წარმომადგენლები აცხადებენ, რომ მნიშვნელოვანია, როდესაც გამოძიება სავარაუდო ბრალდებულებზე გადის, თუმცა საზოგადოებამ გახმაურებულ დანაშაულზე მეტი ინფორმაცია მიეწოდოს.
არასამთავრობო ორგანიზაციების წევრები მიიჩნევენ, რომ გამოძიებამ დროულად უნდა გასცეს პასუხები, თუ ვინ არიან პირადი ცხოვრების ამსახველი ვიდეოს გამავრცელებლები და ვინ არიან დამკვეთები.
.„ცალკეული ინდივიდების პასუხისმგებლობის საკითხი არის მნიშვნელოვანი რა თქმა უნდა, თუმცა ამ ტიპის მძიმე და ორგანიზებული დანაშაულის დროს, მნიშვნელოვანია გაირკვეს, ვინ დგას ამ ყველაფრის უკან. – განაცხადა ადამიანის უფლებების სწავლებისა და მონიტორინგის ცენტრის იურისტმა სოფო ვერძეულმა.
შეგახსენებთ, რომ ზურაბ ჯამალაშვილის დაკავება, წინასწარი ინფორმაციით, სავარაუდოდ, პირადი ცხოვრების ამსახველი ფარული ჩანაწერების გავრცელებას უკავშირდება.
დაკავებულების ადვოკატი აცხადებს, რომ გამოძიება მისი დაცვის ქვეშ მყოფს ედავება, მეხსიერების ბარათზე გარკვეული ინფორმაციის შენახვასა და სხვა პირებისთვის, კერძოდ, ჟურნალისტ ელისო კილაძისათვის გადაცემაში. თავად ჯამალაშვილი ბრალს არ აღიარებს