ვაშინგტონი ადასტურებს, რომ ისლამური სახელმწიფოს ერთ-ერთი ლიდერი თარხან ბათირაშვილი, იგივე ომარ ალ შიშანი ლიკვიდირებულია. ეს ინფორმაცია ამერიკულ ტელეარხებს – CNN-სა და ABC-ის ობამას ადმინისტრაციის ორმა წარმომადგენელმა დაუდასტურა.

მათი თქმით, თარხან ბათირაშვილი 4 მარტს განხრციელებული ამერიკული ავიაციის იერიშების შემდეგ მძიმედ იყო დაჭრილი, რის შედეგადაც გარდაიცვალა.

ვრცელდება ინფორმაცია,  რომ დაბომბვისასა მასთან ერთად კიდევ 12 ტერორისტია დაღუპული.

მანამდე ვრცელდებოდა ინფორმაცია, რომ  თარხან ბათირაშვილი, შეიძლებოდა თავდასხმებს გადარჩენოდა, რაც არაერთხელს მომხდარა, მის შესახებ არაფერი იცოდნენ პანკისშიც. 

თარხან ბათირაშვილი  ამერიკის სახელმწიფო დეპარტამენტს ტერორისტების სიაში ჰყავდა შეყვანილი. მის შესახებ ინფორმაციის სანაცვლოდ 5 მილიონი დოლარი იყო დაწესებული.