აფხაზური მედიის ცნობით, ოკუპირებული აფხაზეთის გენერალურმა პროკურატურამ შინაგან საქმეთა სამინისტროსთან გამართული არასანქცირებული მიტინგის საქმის გამოძიება დაიწყო . მიტინგის მონაწილეთა განცხადებით, მილიციის თანამშრომლებმა კანონიერი ნორმების დარღვევით სცადეს შსს ყოფილი თანამშრომლის რუსლან ჯელიას მანქანის შეჩერება.
გამოძიების მსვლელობისა და დასრულების შემდეგ სამართლებრივი შეფასება მიეცემა როგორც შსს თანამდებობის პირთა, ისე რუსლან ჯელიას მოქმედებას – აცხადებს აფხაზეთის გენპროკურატურა.
შეგახსენებთ, 9 მარტს რუსლან ჯელიას ნათესავები და თანამშრომლები, რომელთაც შეუერთდნენ საზოგადოების სხვა წარმომადგენლებიც, ხმაურითა და საკმაოდ აგრესიული განწყობით შეიკრიბნენ შსს სამინისტროს შენობასთან და კატეგორიულად მოითხოვეს როგორც ინცინდენტის მონაწილე მილიციის თანაშრომლების დასჯა, ისე შსს მინისტრის ლეონიდ ძაფშბას გადადგომა. საქმე შენობაში შეჭრის მცდელობამდეც კი მივიდა. ასე აპროტესტებდნენ შეკრებილები გენერალური ავტოინსპექციის თანამშრომელთა მიერ დრანდის წინასწარი დაკავების იზოლატორის ყოფილი უფროსის რუსლან ჯელიას ავტომანქანის დაცხრილვას მას შემდეგ, რაც იგი არ დამორჩილდა მოთხოვნას გაეჩერებინა მანქანა. მომიტიგეებს დაშლის თხოვნით მინარტა თავად რუსლან ჯელიამ, მან განაცხადა, რომ პრეზიდენტი ამჟამად არ იმყოფება სამუსაოადგილზე და ვერ გამოვა მომოტინგეებთან, მაგრამ საქმის კურსშია და პირობას იძლევა, რომ ორიდღის განმავლობაში განიხილავს პრობლემას. შეკრებილებმა მხოლოდ ამის შემდეგ დაიწყეს დაშლა, თუმცა განაცხადეს, რომ, თუ ხელისუფლება არ შეასრულებს დანაპირებს, ორ დღეში აქცუას განაახლებენ.
,,რუსლან ჯელია საქართველოს აგრესიის წინააღმდეგ აფხაზეთის სამამულო ომის გმირია და ბუნებრივია მღელვარება, რომელმაც ამ ინცინდენტის გამო სოხუმი მოიცვა'' – აცხადებს აფხაზური მედია.