ხაშურში, სოფელ წრომის მახლობლად, ტყის მასივში გუშინ ხანძარი გაჩნდა
საგანგებო სიტუაციების სამსახურის ინფორმაციით, დამწვარია დაახლოებით, 2 ჰა-მდე ფართობზე არსებული ხმელი ბალახი და ხეები.
უწყებაში ამბობენ, რომ ხანძრის ქრობის პროცესში ჩართული იყო მეხანძრე-მაშველთა ცოცხალი ძალა და ხანძარსაწინააღმდეგო ტექნიკა. ხანძარი ამ დროისათვის ლიკვიდირებულია
გუშინ, 25 აპრილს, საღამოს ხანძარი გაჩნდა გუდამაყრის ხეობაში, მთის ფერდობზე. საგანგებო სიტუაციების სამსახურის ინფორმაციით, დამწვარია 5 ჰექტარზე მეტ ფართობზე არსებული ხმელი ბალახი და ჯუჯა მცენარეები.
უწყებაში ასევე ამბობენ, რომ ადგილზე მთელი ღამის განმავლობაში მუშაობდა 80 მეხანძრე-მაშველი, რომლებიც ნახანძრალი ტერიტორიის მონიტორინგს უწყვეტ რეჟიმში ახორციელებდნენ.
"მთის კლდოვან ნაწილზე ტექნიკის გადაადგილება ვერ მოხერხდა, რის გამოც ალტერნატიული ხანძარსაწინააღმდეგო საშუალებებით აღჭურვილმა მეხანძრე-მაშველებმა, რთული რელიეფის მიუხედავად, ცეცხლის ღია კერების ჩაქრობა რამდენიმე საათში შეძლეს", – ამბობენ საგანგებო სიტუაციების სამსახურში. ხანძარი უკვე ლიკვიდირებულია.
