დღეს სასამართლომ განიხილა გიგი უგულავას დაცვის მხარის შუამდლომლობა თბილისის განვითარების ფონდის საქმესთან დაკავშირებით. სასამართლოს გადაწყვეტილებით გიგი უგულავას 50 ათას ლარიანი გირაო მოეხსნა. შესაბამისად, უნდა გაუქმდეს ყადაღა დედაქალაქის ყოფილი მერის უძრავ ქონებაზე – საცხოვრებელ ბინაზე, რომელიც გირაოს უზრუნველსაყოფად იყო გამოყენებული.
პროკურორი გირაოს შესახებ გადაწყვეტილების გასაჩივრებას გეგმავს, შეგახსენებთ, ბრალდების წარმომადგენლები მოითხოვდნენ გირაოსთვის ბანკში ჩადებული ამ ბინის გადაცემას სახელმწიფო საკუთრებაში .
პროცესზე გიგი უგულავას ადვოკატმა ბექა ბასილაიამ კიდევ ერთი შუამდგომლობა დააყენა – მან მოითხოვა საქმეს მტკიცებულებად დართვოდა ევროპის საბჭოს საპარლამენტო ასამბლეის პრეზიდენტის პედრო აგრამუნტის განცხადება იის შესახებ, რომ უკრაინასა და საქართველოში პოლიტიკური პატიმრები არიან. თუმცა მოსამართლემ ეს შუამდგომლობა არ დააკმაყოფილა.
გიგი უგულავას საქმეზე პროცესი დასრულდა და პირველ მარტს განახლდება.