ხმაური იყო ზუგდიდში პოლიციის სამმართველოსთან, სადაც აქცია გამართეს რამდენიმე დღის წინ დაკარგული სამი მამაკაცის ახლობლებმა. ისინი სამართალდამცველებთან შეხვედრას და ჩატარებული საგამოძიებო სამუშაოების პირველადი ინფორმაციის გაცნობას ითხოვდნენ. მას შემდეგ, რაც მათ საგამოძიებო უწყების წარმომადგენლები არ შეხვდნენ, პროტესტის ნიშნად გზა გადაკეტეს, რომელიც სამართალდამცველების ჩარევის შემდეგ გაიხსნა. მოგვიანებით მათ განუცხადეს, რომ საგამოძიებო სამუშაოებისთვის კიდევ რამდენიმე დღე სჭირდებოდათ. სამ დაკარგულს უკვე სამი დღეა ეძებენ. ოჯახის ინფორმაციით, ისინი მსხვილფეხა საქონლის შესაძენად იყვნენ წასული და თანხაც ქონდათ. ახლობლები ამას უკავშირებენ მათ გაუჩინარებას.