ტელეკომპანია "რუსთავი 2-ის" ინფორმაციით, პროკურორ ვახტანგ ქირიას მკვლელობაში ეჭვმიტანილი ბიძინა კუჭავას ავტოფარეხში სამართალდამცველებმა ძვალი იპოვეს. ნივთმტკიცება ექსპერტიზაზეა გადაგზავნილი.
ავტოფარეხში დამატებითი საგამოძიებო მოქმედება ჩატარდა მას შემდეგ, რაც მისი ბეტონის საფარის ქვეშ გეო-რადარმა ანომალიური ნივთის არსებობა დააფიქსირა.
კუჭავას ქვრივი მარინა ნიკოლოზაშვილი ფაქტს სასაცილოს უწოდებს.
„რაღაც ძვალი იპოვეს და ის ამოიღეს. სხვა ვერაფერი ნახეს. დალუქეს და წაიღეს. ძალიან სასაცილოა. მიწაში იპოვეს, სადაც ქვები იყო, ნაგავი", – განაცხადა მარინა ნიკოლოზაშვილმა.