ზუგდიდში, საოკუპაციო ხაზთან მდებარე სოფელ შამგონადან საოკუპაციო ძალების წარმომადგენლების მიერ გატაცებული 55 წლის მამაკაცი გათავისუფლებულია. აღნიშნულ ინფორმაციას სახელმწიფო უსაფრთხოების სამსახურში ადასტურებენ.
რუსმა მესაზღვრეებმა შამგონას მკვიდრი გულადი ხუბუა 2 დღის წინ დააკავეს სოფელ შამგონასა და გალის რაიონის სოფელ თაგილონის ე.წ. საზღვართან ,, აფხაზეთის რესპუბლიკის"" საზღვრის უკანონოდ გადაკვეთის მცდელობის'' ბრალდებით.
მისი განთავისუფლება მოხდა საერთაშორისო ორგანიზაციების ჩართულობით.