გალის რაიონ სოფელ ფიჩორის მკვიდრი ჯუმბერ გოგოხია,რომელიც ზუგდიდში მკურნალობდა და აქ ხშირად გადმოდიოდა,რუსულ საგუშაგოს მისვლამდე, გულის შეტევით გარდაიცვალა. ჯუმბერ გოგოხია გუშინ,გალის რაიონ სოფელ რეფში ისე დაკრძალეს,რომ მისმა,ენგურსგამოღმა ნათესავებმა ვერ დაიტირეს. როგორც გარდაცვლილის სიძე,ზუგდიდის მუნიციპალიტეტ სოფელ ანაკლიის მკვიდრი გურამ სუფალოღლი აცხადებს, ჯუმბერ გოგოხია მისი ცოლის ძმა იყო.“ დეტალები არ ვიცი,საგუშაგოს მისვლამდე გაუსკდა გული,თუ რა მოხდა… როგორც ვიცი,წნევები აწუხებდა. რამდენიმე წლის წინ ინსულტი მიიღო და ზუგდიდში დადიოდა სამკურნალოდ. რუსულ საგუშაგოსთან მისვლამდე გამხდარა ცუდად,როგორც ვიცი გამოიძახეს სასწრაფო,წაიყვანეს გალის საავადმყოფოში,მაგრამ ვერ უშველეს. “,- აცხადებს გარდაცვლილის ნათესავი. აფხაზეთის ლეგიტიმური მთავრობის სამეგრელო-ზემო სვანეთის წარმომადგენლობაში ფლობენ ინფორმაციას, იმის შესახებ,რომ ჯუმბერ გოგოხია,საგუშაგოსთან მისვლამდე, გარდაიცვალა. „დეტალებს ვაზუსტებთ,როგორც ვიცი ნათესავებს უნდოდათ,მისი აქეთ ზუგდიდში გადმოსვენება,მაგრამ ვერ მოახერხეს და გუშინ დაკრძალეს გალის რაიონ სოფელ რეფში.“,- განაცხადა უწყების ხელმძღვანელმა რეზო ქობალიამ.