მთავარისიახლეებიპოლიტიკა,,არც მდგმურები, არც შემთხვევით მოხვედრილები, არც ვიღაცის კაცის კაცები'', არამედ...

,,არც მდგმურები, არც შემთხვევით მოხვედრილები, არც ვიღაცის კაცის კაცები”, არამედ რაღაც სხვა. შედგება თუ არა პოლიტიკური განქორწინება?

Published on

 საპარლამენტო უმრავლესობამ დღეს მიიღო გადაწყვეტილება, რომ ეკა ბესელიას და 8 დეპუტატის კანონპროექტს, რომელიც მოსამართლეთა უვადო გამწესების 5 წლით შეჩერებას გულისხმობს, მხარს არ დაუჭერს.
 
ეკა ბესელია დღესვე დაიბარეს თუ მისივე თხოვნით მიიღეს   შუშის სასახლეში, თუმცა როგორ დამთავრდა შეხვედრა ივანიშვილთან ჯერ არ გახმაურებულა.
 
რაც შეეხება სხვა ,,მეამბოხეებს'', გედევან ფოფხაძის თქმით, ის ადამიანები, რომლებიც ამ კანონპროექტის ინიციატივის გამოვიდნენ, მდგმურები არ არიან.
 
"მე ამ საკითხის დაანონსებას არ ვაპირებ. ისედაც იქმნება შთაბეჭდილება, რომ ჩვენ ამ თემით ვსპეკულირებთ, ჩვენს კოლეგებს ამით თითქოს ვემუქრებით, რომ არიქა, წავალთ. პირდაპირ გეტყვით, რომ ის ადამიანები, რომლებიც ამ კანონპროექტის ინიციატივით გამოვდივართ, ამ გუნდში არც მდგმურები ვართ, არც შემთხვევით მოვხვდით და ვიღაცის კაცის კაცები არ ვართ. ჩვენი პოზიცია ამ გუნდში განპირობებულია იმ მრავალწლიანი ბრძოლის შედეგად, რომელსაც ვაწარმოებდით ჯერ სააკაშვილის რეჟიმთან, მერე რომ ამ რეჟიმის რევანში არ მომხდარიყო. ჩვენ ეს ადგილი არავისგან წყალობით არ მიგვიღია. ასე რომ, რა გადაწყვეტილებაც არ უნდა მივიღოთ დარჩენის ან წასვლის თაობაზე, ეს იქნება ნაკარნახევი იმ მორალური ღირებულებით, რომლითაც ჩვენ ვართ პოლიტიკაში,"- განაცხადა ფოფხაძემ.
 
 ისნის რაიონის მაჟორიტარი დავით ჭიჭინაძე აცხადებს, რომ 9 დეპუტატის კანონპროექტს „ქართული ოცნების“ პოლიტიკური ელიტა დაუპირისპირდა და დროა, პოლიტიკური განქორწინება მოხდეს.
 
„ვთვლი, ზოგადად სიტუაცია ერთმანეთთან იმდენად შეუსაბამოა, რომ აღარც კი არის ის პატარა ჯაჭვიც, ამ ადამიანებს უმრავლესობაში დარჩენის სურვილი ჰქონდეთ. რეალურად გამოდის , რომ პარტიის მთელი პოლიტიკური ელიტა ამ ხალხს დაუპირისპირდა. ვთვლი, რომ ეს ის ნაბიჯია, როცა პოლიტიკური განქორწინება უნდა მოხდეს“- აცხადებს ჭიჭინაძე.
 
 
 
 

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...