ოზურგეთის მუნიციპალიტეტში სოფლებში გლეხებს მანდარინი ყუთებში და ხეებზე ულპებათ. გლეხების უმეტესობას ციტრუსის მოსავალი ფაროსანამ გაუნადგურა. თუმცა, რაც მავნებელს გადაურჩა, იმის გაყიდვაც შეუძლებელი აღმოჩნდა.
მოსახლეობა დახმარებას ხელისუფლებას სთხოვს.
ამბობენ, რომ ციტრუსის ჩამბარებელი პუნქტები, ფაქტობრივად, არ ფუნქციონირებს – მიზერულ ფასად ჩაბარებულ ციტრუსში ან ფულს არ უხდიან ან საერთოდ არ იბარებენ.
გლეხების ნაწილი ციტრუსის პლანტაციების გაჩეხვას აპირებს.
ციტრუსის მოსავალს ვერ ყიდიან ქობულეთშიც. ამბობენ, რომ 1 კილოგრამი კივის გაყიდვა 40 თეთრად უწევთ, რაც მიზერული ფასია.
მოსახლეობა ხელისუფლებას დახმარებას სთხოვს. ქობულეთის მუნიციპალიტეტის სოფლებში გლეხებს ტონობით მოსავალი უფუჭდებათ.