სამეგრელო–ზემო სვანეთის საოლქო პროკურორი ვახტანგ ქირია, სავარაუდოდ, მოკლული იპოვეს. ინფორმაცია ამის შესახებ ცოტა ხნის წინ სამაუწყებლო კომპანია "რუსთავი 2" -მა გაავრცელა. გაუჩინარებულ პროკურორს 5 დღის მანძილზე ეძებდნენ. დღის განმავლობაში არც ოჯახის წევრებსა და არც თანამშრომლებს დაკარგული პროკურორის შესახებ ინფორმაცია არ ჰქონდათ. დღეს საღამოს კი, სავარაუდოდ, პროკურორის ცხედარი ქავთარაძის ქუჩაზე 35-ე სკოლასთან მდებარე კორპუსში იპოვეს. ადგილზე ექსპერტ-კრიმინალისტები მუშაობენ. სამართალდამცავები ჯერ კონკრეტულ განცხადებას არ აკეთებენ.