ზუგდიდში, მდინარე ჩხოუშის საცალფეხო ხიდთან მკვდარი თევზები ყრია. მოსახლეობა ამბობს, რომ თევზი მდინარისაა და შეიძლება ის მოწამლული იყოს, ნაწილი ვარაუდობს რომ თევზი გაფუჭდა და მდინარეში ჩაყარეს.
გამვლელებმა მკვდარი თევზედი დღეს დილით შეამჩნიეს. „ოდიშინიუსის“ ადგილზე ყოფნისას სეს-ის წარმომადგენლებიც მოვიდნენ და თევზები ნიმუშად ლაბორატორიული კვლევისთვის წაიღეს:
„არაფერი არ ვიცით ჯერ, ავადმყოფობა რომ იყოს, მარტო ერთ ადილას არ იქნებოდა, სხვაგანაც ვნახავდით, ჩაუტარდება ანალიზი, გავაგზავნით და დაველოდებით პასუხს“- უთხრა „ოდიშინიუსს“ სეს-ის წარმოადგენელმა. მისივე თქმით, გასარკვევია თევზის სახეობაც და ის, თუ რა მოხდა.
