ამ წუთებში ზუგდიდში ელ.ენერგია არ მიეწოდება ქალაქის ცენტრალურ ნაწილს, მათ შორის სასიცოცხლო ობიექტებს. ენერგო პრო ჯორჯიაში ,,ოდიშინიუსს,, განუცხადეს, რომ გამორთვა მოხდა ავარიულად და მიმდინარეობს აღდგენითი სამუშაოები ,,ჯგუფი გასულია და მიმდინარეობს სამუშაოები, მაქსიმალურად მცირე დროში ვცდილობთ აღვადგინოთ ელ.ენერგიის მიწოდება აბონენტებისთვის ,, – განაცხადა ენერგო-პრო ჯორჯიას საზოგადოებასთან ურთიერთობის სამსახურის უფროსმა ეკა ურიდიამ. ენერგოკომპანიის ინჟინერი რამინ თოლორდავა კი ავარიულ გამორთვას ქალაქის ერთ-ერთ ქუჩაზე ტრანსფორმატორში კატის შესვლას უკავშირებს. ,,კლდიაშვილის ქუჩაზე ტრანსფორმატორში კატა შეძვრა, რის გამოც ავარიულად მოხდა გამორთვა, მუშა ჯგუფი გასულია და მაქსიმუმ 3 საათში მოხდება აღდგენა,, – განაცხადა ელექტროინჟინერმა რამინ თოლორდავამ.