მკვლელობა მოხდა წუხელ სვანეთში. ურთიერთშელაპარაკების ნიადაგზე გარდაცვლილია 22 წლის ახალგაზრდა, რომელიც ზედაეწერის მკვიდრია. გავრცელებული ინფორმაციით, მკვლელობას წინ უძღოდა შელაპარაკება მანქანაში, რა დროსაც მძღოლმა რკინის ბლაგვი საგნის დარტყმით მანქანიდან ჩამოაგდო ი.გ. და მასთან ერთად მყოფი კიდევ ორი პირი და გაქცევა მოახერხა. როგორც ,,ოდიშინიუსისთვის,, გახდა ცნობილი, შემთხვევა გამთენიისას მესტიის გზაზე იმ დროს მოხდა, როცა ახალგაზრდებს სვანეთიდან ხის მორებით დატვირთული მანქანა ჩამოყავდათ. გარდაცვლილი ჯვარის საავადმყoფოში გადაიყვანეს, თუმცა ექიმების ინფორმაციით, საავადმყოფოში შეყვანისას ის უკვე გარდაცვლილი იყო.ამ დროისთვის ცხედარი ქუთაისის პროზექტურაშია და ექსპერტიზა უტარდება. შემთხვევის ადგილზე ექსპერტ- კრიმინალისტები მუშაობენ.ახლობლების ინფირმაციით, ახალგაზრდებს ერთმანეთთან მცირე ბიზნესი აკავშირებდათ. შსს- ს ინფორმაციით ფაქტზე საქმე სსკ 116-ე მუხლითაა აღძრული, რაც გაუფრთხილებლობით სიცოცხლის მოსპობას გულისხმობს.