AMBEBI.GE აქვეყნებს მეორე მსოფლიო ომში იმ ქართველი მეომრების გვარ-სახელებს, რომლებიც აქამდე უგზო-უკვლოდ დაკარგულებად ითვლებოდნენ, მაგრამ, როგორც აღმოჩნდა, გერმანიის ქალაქში – ცაითჰაინსა და ზონთჰოფენში არიან დაკრძალულნი. ამ ინფორმაციას ჟურნალისტი ირმა პაპასქირი ავრცელებს თავის რესპონდენტზე, გერმანიაში მცხოვრები ქართველ მეგი სტემპენზე დაყრდნობით.
ამ მეომრებს შორისაა ორი მეომარი სამეგრელოდან:
ვლადიმერ ილიას ძე კაკულია – დაბადებული 1919 წელს, აბაშის რაიონის სოფელი პირველი ონტოფო; 1942 წლის 27 მაისს, ტყვედ ჩავარდა როსტოვში, ბანაკი – 50246, გარდაიცვალა – 1943 წლის 27 სექტემბერს.
ირაკლი ნიკოლოზის ძე ფირცხალავა – დაბადებული 1912 წელს მარტვილის რაიონში. ტყვედ ჩავარდა 1941 წლის 28 ივლისს. ბანაკის ნომერი – 26593; წოდება – რიგითი.
ორივე დაკრძალულია ცაითჰაინის საერთო სასაფლაოზე.
აქვე არიან დაკრძალულები სერგო პელტაძე- ხაშურიდან, მირონ ლიკვაძე – ეცერიდან, გიორგი ალხამაშვილი და იოსებ გუგულაშვილი – სიღნაღიდან, ნიკოლოზ ხაჭაპურიძე -წყალტუბოდან, შალიკო გელაშვილი -ლაგოდეხიდან და სხვები.
როგორც სასაფლაოზე გაკეთებული წარწერიდან ირკვევა, ყველა მათგანს ტყვეთა ბანაკი ჰქონდა გამოვლილი.