ქვეყნის წინაშე ვალმოხდილი აღესრულა ტიხონ ქორთუა, საზოგადო მოღვაწე, რომელიც მოსწავლეებისგან ძერწავდა სანიმუშო ადამიანებს.
,, როდესაც ადამიანი საზოგადოებას ევლინება თავისი მაღალი მისიით, მისი წასვლა განსაკუთრებით მტკივნეულია.
სწორედ ამგვარი პიროვნება იყო ბატონი ტიხონ ქორთუა, შუბლზე სხვა მირონით ნაკურთხი ბეჭედი რომ გამოსახვოდა პედაგოგისა და ბოლო ამოსუნთქვამდე მისი ცნობიერება სწავლებისა და აღზრდის, საგანმანათლებლო სივრცის განახლებისა და გარდაქმნის პრობლემებით იყო დაკავებული.
ზუგდიდის პედაგოგიურ საზოგადოებას გამოაკლდა მოწოდებით პედაგოგი, ასეთები კი ცოტანი არიან, გულდასაწყვეტად ცოტანი.- წერს ზუგდიდელებისათვის კარგად ცნობილი ლიტერატორი და საზოგადო მოღვაწე ზეინაბ სარია.