ცენტრალური საარჩევნო კომისიის თავმჯდომარედ კვლავ თამარ ჟვანია აირჩიეს. თამარ ჟვანია ცესკოს მომდევნო 5 წლის განმავლობაში უხელმძღვანელებს.
ეს პირველი შემთხვევაა, როდესაც ცესკოს თავმჯდომარე მეორე ვადით იქნა არჩეული.
თამარ ჟვანიამ კენჭისყრაში მონაწილე 9 წევრიდან 8 მათგანის მხარდაჭერა მიიღო.
რაც შეეხება ცესკოს თავმჯდომარეობის სხვა კანდიდატებს, ვლადიმერ ბოჟაძეს ხმა კომისიის ერთმა წევრმა მისცა, მარიამ შელეგიას კი – არცერთმა.
კენჭისყრაში მონაწილეობა „ევროპული საქართველოს“ და „ნაციონალური მოძრაობის“ წევრებს არ მიუღიათ. საკუთარი ხმის უფლების გამოყენებაზე უარი განაცხადა ასევე თამარ ჟვანიამ.
კანონმდებლობის თანახმად, ცენტრალური საარჩევნო კომისიის თავმჯდომარის არჩევის შესახებ ინფორმაცია გადაიგზავნება საქართველოს პარლამენტში, – ამის შესახებ ცესკო-ს პრესსპიკერმა ანა მიქელაძემ კომისიის თავმჯდომარის არჩევის საკითხზე საუბრისას განაცხადა.
ანა მიქელაძის თქმით, დღევანდელი სამართლებრივი აქტის გასაჩივრება ორი კალენდარული დღის ვადაშია შესაძლებელი.
დღევანდელ სხდომაში მონაწილეობას არ იღებდა თამარ ჟვანია, რათა სხვა კანდიდატებთან თანაბარ პირობებში ყოფილიყო“, – განაცხადა ანა მიქელაძემ