გაერთიანებული ოპოზიციის საპრეზიდენტო კანდიდატი აცხადებს, რომ პრეზიდენტი არა საქართველოს, არამედ ბიძინა ივანიშვილს ჰყავს, ამიტომ სალომე ზურაბიშვილს პრეზიდენტობას ვერ მიულოცავს.
„სალომე ზურაბიშვილს დიდი სიამოვნებით მივულოცავ დაბადების დღეს, შვილების გაბედნიერებას, შვილიშვილების გაჩენას, მაგრამ გავიმეორებ, რომ საქართველოში არჩევნები არ ჩატარებულა.
„საქართველოში ჩატარდა კრიმინალური ტერორის და მასთან შეზრდილი კორუმპირებული ბიუროკრატიის და ოლიგარქის სპეცოპერაცია. ტოტალური გაყალბებით და ტოტალური ზეწოლით.
შესაბამისად, ჩვენ ამ არჩევნებს არ ვცნობთ ჩატარებულად და არასოდეს არ ვაღიარებთ შედეგებს.
გამომდინარე აქედან, საქართველოს არა ჰყავს პრეზიდენტი, პრეზიდენტი ჰყავს მარტო ბიძინა ივანიშვილს. ამიტომ, პრეზიდენტობას ვერ მივულოცავ, მაგრამ მის მოქალაქეობრივ უფლებას თუ საჭიროა დავიცავ" განაცხადა გრიგოლ ვაშაძემ.