საქართველოს მართლმადიდებელი ეკლესიის საპატრიარქოს ინფორმაციით, კათოლიკოს-პატრიარქმა დღეს აშშ-ის ელჩის მოვალეობის შემსრულებელი როს უილსონი მიიღო. შეხვედრაზე სხვა საკითხებთან ერთად, საპრეზიდენტო არჩევნებიც შეაფასეს.
„არჩევნების პერიოდი ცოტა რთულია ჩვენთან, რადგან ემოციური ხალხი ვართ. დღემდე დამარცხებულმა მხარემ არ სცნო გამარჯვება სალომე ზურაბიშვილისა“, – აღნიშნა ილია მეორემ.
საპატრიარქოს ინფორმაციით, როს უილსონმა განაცხადა:
„ჩემი პირადი შეხედულება გახლავთ, რომ საქართველომ უნდა გადალახოს ეს. დემოკრატია თავის თავში გულისხმობს როგორც გამარჯვებას, ასევე დამარცხებასაც და მე ვფიქრობ, რომ ბრძენმა ლიდერებმა, რომლებიც ზრუნავენ თავის ქვეყანაზე და ასევე ზრუნავენ თავისი პარტიის გრძელვადიან წარმატებაზე, უნდა აღიარონ ეს. მე ასევე ვურჩიე საქართველოს მთავრობასაც, რომ მათ უნდა გაითვალისწინონ ის რეკომენდაციები, რაც გასცა საერთაშორისო ორგანიზაციებმა და მოახდინონ იმ ხარვეზების აღმოფხვრა, რაც არსებობდა.