მთავარისიახლეებიპოლიტიკაარავის არანაირი რევოლუცია არ სჭირდება - ოპოზიცია საპრეზიდენტო არჩევნების შესახებ საუბრობს

არავის არანაირი რევოლუცია არ სჭირდება – ოპოზიცია საპრეზიდენტო არჩევნების შესახებ საუბრობს

Published on

„საქართველოს ევროპელი დემოკრატების“ თავმჯდომარე, პაატა დავითაია საპრეზიდენტო არჩევნების მეორე ტურის შემდგომ მოსალოდნელ ცვლილებებზე „არჩევნების“ ეთერში საუბრობს.  
 
პაატა დავითაია ოპონენტებს აკრიტიკებს, რომლებიც აანონსებენ, რომ გრიგოლ ვაშაძის გამარჯვების შემთხვევაში რევანში და დაპირისპირება მოხდება. დავითაიას თქმით, არანაირი რევანში არ იგეგმება.
 
„გაერთიანებული ოპოზიცია ამ არჩევნებს იგებს. არავის არანაირი რევოლუცია არ სჭირდება. გრიგოლ ვაშაძემ, პრეზიდენტობის კანდიდატმა, ღიად დააფიქსირა ის, რომ გამარჯვების შემთხვევაში იქმნება ეროვნული თანხმობის საბჭო, მას კი არ უთქვამთ, რომ იქმნება რაღაც სახელმწიფო საბჭო გადატრიალების, ეროვნული თანხმობის საბჭო, რომელიც იმუშავებს საარჩევნო კოდექსზე და ხელისუფლების ცვლილებაზე,“ – განაცხადა პაატა დავითაიამ.
 
„ეროვნულ დემოკრატიული“ პარტიის წევრი, ბაჩუკი ქარდავას განცხადებით კი, არჩევნების პირველი ტურის შემდეგ, ქვეყანა ახალი გამოწვევის წინაშე აღმოჩნდა. ეროვნულ დემოკრატიული პარტია ყურადღებას ახალქალაქში მომხდარ ინციდენტზე, ასევე კახეთსა და რაჭაში მომხდარ ინციდენტებზე ამახვილებს.
 
„ჩვენ დღეს ვართ იმ რეალობაში, როდესაც ხელისუფლება კოალიციაში შევიდა ქუჩასთან, კრიმინალთან, ეს არის ძალიან სახიფათო თამაში," – აღნიშნა ბაჩუკი ქარდავამ.
 
"საქართველო ლიდერთა შორის" დამფუძნებელმა მამუკა გამყრელიძემ გადაცემაში განმარტა, თუ რატომ უჭერს მხარს ის გრიგოლ ვაშაძეს.  გამყრელიძის თქმით, გრიგოლ ვაშაძე საწინდარია იმისა, რომ საქართველოში საბოლოოდ ჩამოყალიბდება ახალი პოლიტიკური კულტურა.
 
”მე ბედნიერი ვარ, რომ საქართველოს ეყოლება მთავარსარდალი, რომელმაც აქვს არაჩვეულებრივი ხედვა და ძალიან სწორად გათვლილი მიზნები, როგორ შეიძლება ქართული ჯარი იყოს ძლიერი და ქმედითუნარიანი,“ – განაცხადა მამუკა გამყრელიძემ. 
 
გრიგოლ ვაშაძის მხარდაჭერის აუცილებლობაზე საუბრობს ყოფილი დიპლომატი ნიკა ვაშაკიძე. ვაშაკიძის თქმით, გრიგოლ ვაშაძე საერთაშორისო დონეზე ქვეყანას კარგად წარადგენს.

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...