„ბავშვთა სამყაროს“ ხანძრით დაზარალებულები „ქართული ოცნების“ ოფისთან მივიდნენ და ბიძინა ივანიშვილთან შეხვედრა მოითხოვენ.
აქციის მონაწილეების გაღიზიანება მმართველი პარტიის ლიდერის იმ განცხადებამ გამოიწვია, რომლის მიხედვით, ყოფილი პრემიერი მათ პრობლემებს არ იცნობს.
„ჩვენ რა საქონლები ვართ აქ? ჩვენ გვინდა შეხვედრა პირადად ივანიშვილთან“- აცხადებენ დაზარალებულები.
აქციის მონაწილეების განცხადებით, თუ ბიძინა ივანიშვილი მათ არ შეხვდება, ისინი თავის დაწვით იმუქრებიან.
დაზარალებულები ამბობენ, რომ ბავშვთა სამყაროში გაჩენილი ხანძარი „ქართული ოცნების“ ბიზნესინტერესებს უკავშირდებოდა, რაც დამწვარი ცენტრის დირექტორმა სასამართლოზეც აღიარა.
„ბატონო ბიძინა, თქვენი და თქვენი გუნდის დაკვეთით და დავალებით, გაიძარცვა და გადაიწვა 11 ათასი კვ.მ-ის ფართობის „ბავშვთა სამყარო“. თქვენს ბიზნესინტერესებს შევეწირეთ, თქვენი ხუთეულის. ვინ შედის ამ ხუთეულში – ივანიშვილი, კვირიკაშვილი, კალაძე, ხაზარაძე, ფარხცალაძე. ამხელა ფართის გადაწვა და გაქურდვა ვის შეეძლო? ისევ კრიმინალურ ხროვას,“- განაცხადა დაზარალებულმა ჯული ელიავამ.