პოლიტპატიმართა სიების დაკომპლექტების პროცესში კომისიაზე მაღალი თანამდებობის პირთა ზეწოლის შესახებ ალეკო ელისაშვილის განცხადებებთან დაკავშირებით პარლამენტში განმარტებებს აკეთებენ.
უმრავლესობის წარმომადგენლების თქმით, მნიშვნელოვანია საქმის გამოძიება და დამნაშავე პირის დასჯა.
„თუ არსებობს საფრთხე და ეს საფრთხე ემუქრება ელისაშვილს, მან ეს უნდა ქვას და ასეთ შემთხვევაში მას უნდა დაენიშნოს დაცვა. თუ ვინმე ახდენდა ზემოქმედებას, ან ქრთამის შეთავაზებას, ეს პირი უნდა დაისაჯოს,“ – აცხადებს ვახტანგ ხმალაძე.
ნაციონალურ მოძრაობაში კი აცხადებენ, რომ ეკა ბესელიამ და მანანა კობახიძემ დროებით თანამდებობები უნდა დატოვონ და გამოძიებას ნორმალურად მუშაობის საშუალება მისცენ.
„ასეთ ვითარებაში მათი თანამდებობრივი უფლებამოსილება უნდა იყოს დროებით შეჩერებული და მისცენ სრული შესაძლებლობა გამოძიებას, რომ ეს უმძიმესი ბრალდებები იყოს სრულფასოვნად გამოძიებული,“ – განაცხადა ნუგზარ წიკლაურმა.