მარტვილის მუნიციპალიტეტში სოფელ მუხურჩას მკვიდრს სავარაუდოდ, კუსტარულად დამზადებული თევზის საჭერი მოწყობილობა აუფეთქდა.
65 წლის მამაკაცს თითების ამპუტაცია დასჭირდა.
დაშავებულს სამედიცინო დახმარება მარტვილის საავადმყოფოში გაეწია, მისი ჯანმრთელობის მდგომარეობა დამაკმაყოფილებელია.
შსს-მ გამოძიება სისხლის სამართლის კოდექსის 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.