დღეს პარლამენტის იურიდიულ საკითხთა კომიტეტში პირველი მოსმენით განიხილება კანონპროექტი გარკვეული დანაშაულების (თაღლითობა, ყალბი დოკუმენტების დამზადება, ქრთამის მიცემა-აღება, სამსახურებრივი უფლებამოსილების ბოროტად გამოყენება) ამნისტირების შესახებ. საუბარია საქართველოს მოქალაქის პირადობის, პასპორტისა და სხვა მსგავსი საბუთების მართლსაწინააღმდეგო მისაკუთრებასა და განადგურებაზე.
ამნისტია შეეხება პირებს, რომლებმაც ეს დანაშაული 2009 წლის პირველ იანვრამდე ჩაიდინეს.
სხდომაზე დღეს ასევე განიხილება სამოქალაქო კოდექსში შესატანი ცვლილებები, რომლის მიხედვითაც მშობლებსა და მზრუნველებს აღარ ექნებათ 16 წელს მიღწეული პირის ქორწინებაზე თანხმობის გაცემის უფლება , ეს საკითხი მხოლოდ სასამართლოს კომპეტენცია იქნება.