შს სამინისტროს პრესსამსახურის ცნობით, წუხელ გვიან ღამით ზუგდიდის რაიონის სოფელ ახალსოფელში ყაჩაღური თავადასხმა მოხდა.
სამი ნიღბიანი მამაკაცი შეიჭრა სოფლის მკვიდრის, შუახნის ასაკის ქალბატონის მადონა ხვიტიას სახლში და ძვირფასეულობისა და თანხის გამოტანა მოსთხოვა. გამომძალველები ყოველი უარის შემდეგ ქალბატონს იარაღის კონდახებით სცემდნენ. ასე გრძელდებოდა მთელი ნახევარი საათი, სანამ მეზობელმა კივილს მოკრა ყურს და პოლიცია გამოიძახა.
ადგილზე მისულმა პოლიციამ სამივე დამნაშავე შემთხვევის ადგილიდან მოშორებით დააკავა. ერთ-ერთი დაკავებული მადონა ხვიტიას ახლობელი აღმოჩნდა და როგორც ჩანს, იცოდა, რომ ოჯახში დიდი რაოდენობით ოქროს სამკაული ინახებოდა და ამასთან ქალს თურქეთში მყოფმა შვილმა ვალის გადასახდელად ახლო ხანებში გარკვეული თანხა გამოუგზავნა.
დაკავებულები ზუგდიდის სამხარეო პოლიციაში არიან გადაყვანილი. ნაქურდალისამოღებულია, საქმე აღძრულია სისხლის სამართლის კოდექსის 178-ე ძარცვის მუხლით"
დაშავებულ ქალბატონს გაეწია სამედიცინო დახმარება, ექიმების თქმით, მისი მისი ჯანმრთელობის მდგომარეობა საშუალოდ სიმძიმისაა დსიცოცხლისთვის შეუთავსებელი არ არის.