ქუთაისში, პარლამენტის შენობასთან "ნაციონალური მოძრაობის" ქუთაისის რაიონული ორგანიზაციის წარმომადგენლები და "თავისუფალი ზონის" წევრები საპროტესტო აქციას მართავენ. მათ გამოტანილი აქვთ ტრანსპარანტები წარწერებით: პროკურატურა რაფალიანცის მკვლელების მფარველი'', ,,ეროსი კიწმარისვილმა თავი ,,მოიკლა" და სხვ.
აქციის მონაწილეები ირაკლი შოთაძის მთავარი პროკურორის პოსტზე დანიშვნას აპროტესტებენ. "სწორედ შოთაძის პროკურატურაში მუშაობის პერიოდში ბევრი მნიშვნელოვანი საქმე ისევ გამოუძიებელია და ის ერთი კონკრეტული ადამიანის, ბიძინა ივანიშვილის ინტერსებს ემსახურება", – აცხადებენ აქციის მონაწილეები.
აქციის მონაწილეებთან დეპუტატი ანი მიროტაძე მივიდა. მათ შორის მცირე კამათი მოხდა. აქციის მონაწილეები დეპუტატისგან მოითხოვდნენ პასუხს, რატომ არის დაკავებული "თავისუფალი ზონის" სამი წევრი და რატომ გატარდა მათ მიმართ სასჯელის მკაცრი ზომები.
როგორც ანი მიროტაძემ აქციის მონაწილეებს განუმარტა, სასამართლოს გადაწყვეტილებას ისიც არ ეთანხმება.
შოთაძისგან პასუხს ითხოვს საპარლამენტო უმცირესობაც. ისინი აცხადებენ, რომ თავად საზოგადოებამ უნდა გააკეთოს დასკვნა იმ საქმეებს შორის განსხვავებაზე, რომელიც ეხება რუსთავი 2 -ის მხარდამჭერ აქციაზე დაკავებული ახალგაზრდების თემას და უმცირესობის დეპუტატების მიმართ ფიზიკურ ანგარიშსწორებას..