რეჟიმის პატიმარ ჟურნალისტს, ნეტგაზეთისა და ბათუმელების დამფუძნებელს, მზია ამაღლობელს პოლონეთის საგარეო საქმეთა სამინისტრომ ლეხ ვალენსას სახელობის სოლიდარობის ჯილდო გადასცა.
ბათუმელების ცნობით, დაჯილდოების ცერემონია ვარშავაში 30 სექტემბერს გაიმართა და მას თავად ლეხ ვალენსა და პოლონეთის საგარეო საქმეთა მინისტრი, რადოსლავ სიკორსკიც ესწრებოდნენ.
გამოცემა წერს, რომ მზია ამაღლობელს ჯილდო დემოკრატიული ღირებულებების ხელშეწყობისა და მხარდაჭერის აღიარების ნიშნად გადაეცა.
ბათუმელების განცხადებით, მზია ამაღლობელის ჯილდო რადოსლავ სიკორსკიმ მათ წარმომადგენელს, ირმა დიმიტრაძეს გადასცა.