მოლდოვის საჰაერო სივრცეში ხუთი უპილოტო საფრენი აპარატი შეიჭრა -ინფორმაციას ქვეყნის თავდაცვის სამინისტრო ავრცელებს. მათივე ცნობით,
დრონები სხვადასხვა დროს კვეთდნენ საზღვარს უკრაინიდან მოლდოვისკენ და ისევ უკან, უკრაინისკენ ბრუნდებოდნენ ან რადარებიდან ქრებოდნენ.
სამინისტროში აღნიშნეს, რომ ქვეყნის საჰაერო სივრცეში უნებართვო შეჭრის ფაქტები რუსეთის მიერ უკრაინაზე განხორციელებული საჰაერო თავდასხმების შედეგია.