დიდი ბრიტანეთის პრემიერმინისტრი კირ სტარმერი გადადგა – მან რამდენიმე წუთის წინ დაუნინგ სთრითზე, პრემიერმინისტრის რეზიდენციის წინ საგანგებო განცხადება გააკეთა.
კირ სტარმერის განცხადებით, ტოვებს ლეიბორსიტული პარტიის ხელმძღვანელის თანამდებობასაც. მისივე თქმით, ყველა გადაწყვეტილება, რომელიც აქამდე მიუღა, ქვეყნის ინტერესებს ემსახურებოდა.
სტარმერმა განაცხადა, რომ ის პოსტზე სექტემბრამდე დარჩება, რათა უზრუნველყოს ძალაუფლების მშვიდობიანი და ორგანიზებული გადაცემა.
ახალი ლიდერის არჩევის პროცედურა 9 ივლისს დაიწყება და ზაფხულის საპარლამენტო არდადეგების დასრულებამდე დასრულდება.
სტარმერმა გაერთიანებული სამეფოს მეფე ჩარლზ მესამეს გადადგომის შესახებ გადაწყვეტილება უკვე აცნობა.
სტარმერი ბრიტანეთის პრემიერმინისტრის თანამდებობას 2024 წლის 5 ივლისიდან იკავებდა.