საქალაქო სასამართლოში სასახლის ღობის საქმეზე დაკავებულების პროცესი იწყება. 14 ბრალდებული უკვე სხდომათა დარბაზშია.

დაცვის მხარის ინფორმაციით, ბრალდების მხარე დღეს 10 მოწმეს წარადგენს, რომელთა შორის ექსპერტები და ასევე, ის პოლიციელები არიან, რომლებიც 4 ოქტომბერს სასახლესთან იმყოფებოდნენ.

პროცესზე ასევე გამოიკვლევენ ვიდეომტკიცებულებებს თავიდან, რადგან უფლებადამცველების თქმით, ის დისკები, სადაც ბრალდებულების სახელები და გვარები ეწერა, ბრალდების მხარემ ვერ აღმოჩინა, შესაბამისად, მათ მოითხოვეს დრო.

დაიწყეს ვიდეო მასალის გამოკვლევით, რომელზეც პროკურორმა თქვა, რომ ვერ ნახა ის ბრალდებულები, რომლების ფაილზეც ეწერასახელები და გვარები , ეს იქნება პირველი. შემდეგ, როგორც ჩემთვის ცნობილია, გავაგრძელებთ ექსპერტიზების გამოკვლევას და ჩილაჩავას საქმეზე იქნება ექსპერტი. რაც შეეხება საპროცესო შემოტავაზებას, არც გვქონია და ჩილაჩავას პოზიცია ზუსტად ვიცი, რომ ის არც დათანხმდება, რადგან მას დანაშაულებრივი ქმედება რ აჩაუდენია, – ამბობს ჯემალ ჭკადუა.

ცნობისთვის, ვლადიმერ გველესიანს, სერგო მეგრელიშვილს, ზურაბ ჭავჭანიძეს, გიორგი რურუას, ამირან დოლიშვილს, ანტონ ვარდანიძეს, გიორგი ქორქიას, ალექსანდრე ჩილაჩავას, გენადი კუპრეიშვილს, ლაშა ივანაძეს, ლევან ჯიქიას, სულხან ტუღუშს, ხვიჩა გოგოხიასა და რამაზ მამულაძეს ბრალდება საქართველოს სისხლის სამართლის კოდექსის 19-222-ე მუხლის მე-2 ნაწილის ,,ა“ ქვეპუნქტით (სტრატეგიული და განსაკუთრებული მნიშვნელობის ობიექტის ხელში ჩაგდების მცდელობა, ჩადენილი ჯგუფურად) და 225-ე მუხლის მეორე ნაწილით (ჯგუფურ ძალადობაში მონაწილეობა) წარედგინათ, რაც სასჯელის სახედ და ზომად ექვს წლამდე თავისუფლების აღკვეთას ითვალისწინებს.