განათლების, კულტურისა და სპორტის სამინისტროს დასახელებას მეცნიერება დაემატება- ამის შესახებ პარლამენტში, იურიდიული კომიტეტის სხდომაზე მთავრობის საპარლამენტო მდივანმა ნათია მიქელაძემ განაცხადა.
კიდევ ერთი სამინისტროს სახელი იქნება ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო. თავდაპირველ ვერსიაში კი დევნილების ნაცვლად ოკუპირებული ტერიტორიებიდან იძულებით გადაადგილებულ პირთა ეწერა.დღეს მთავრობის სტრუქტურული ცვლილებებს პარლამენტმა რიგგარეშე სესიაზე პირველი მოსმენით უყარა კენჭი და მხარი 84 ხმით 3-ის წინააღმდეგ დაუჭირა.
კენჭისყრამდე პარლამენტში რამდენიმე სამინისტროს დასახელების შეცვლამ საპარლამენტო უმრავლესობის ნაწილში უკმაყოფილება გამოიწვია. საუბარია განათლების სამინისტროს და ჯანდაცვის სამინისტროს დასახელებებზე.
3 ივლისს მცირე მთავრობის კონცეფციის საკომიტეტო განიხლვები პირველი მოსმენით დასრულდა.2 ივლისს, ბიუროს სხდომაზე პარლამენტმა მთავრობის მოთხოვნა გაიზიარა და სტრუქტურული ცვლილებების დაჩქარებული წესით განხილვას დათანხმდა.