პრეზიდენტის, ვოლოდიმირ ზელენსკის თქმით, უკრაინა არ ეთანხმება NATO-ს წევრობაზე უარს, რომელიც ომის დასრულების გეგმის ბოლო 28-პუნქტიან ვერსიაში იყო შეტანილი. ამის შესახებ მან ჟურნალისტებთან შეხვედრისას ისაუბრა.

ზელენსკის თქმით, NATO-ში გაწევრიანების შესახებ გადაწყვეტილება ალიანსის წევრ სახელმწიფოებზეა დამოკიდებული და არა რუსეთთან შეთანხმებებზე.

“ეს არის შეთანხმება ამერიკას, უკრაინას, ევროპასა და რუსეთს შორის. ჩვენი აზრით, ეს NATO-ს წევრების არჩევანია – სურთ უკრაინის წევრობა, თუ არა. ჩვენ არჩევანი უკვე გაკეთებული გვაქვს”. – თქვა ზელენსკიმ.

უკრაინის პრეზიდენტის თქმით, მისი ქვეყანა ალიანსში გაწევრიანებაზე უარის თქმის მოთხოვნას არ შეასრულებს.

“NATO-ს და რუსეთს სურთ, მომავლის შესახებ ცალკე მოილაპარაკონ. მე ვფიქრობ, რომ ამ ცალკეულ შეთანხმებებში ისინი უკრაინის ალიანსში გაწევრიანების საკითხს წამოჭრიან, მაგრამ ეს მაინც ვიღაცის ვიღაცასთან შეთანხმებაა და არა ჩვენი. ვფიქრობ, ეს ძალიან მნიშვნელოვანი იქნება უკრაინის მომავლისთვის”. – დაამატა ზელენსკიმ.