კრემლის სპიკერის, დმიტრი პესკოვის თქმით, აშშ-სა და უკრაინას შორის ტრამპის შემუშავებულ სამშვიდობო გეგმაზე მუშაობა მიმდინარეობს.
“უკრაინელებსა და ამერიკელებს შორის ტრამპის პროექტზე მუშაობა მიმდინარეობს” – ამბობს პესკოვი.
ცნობისთვის, 23 ნოემბერს ჟენევაში უკრაინისა და აშშ-ს დელეგაციებს შორის გამართული მოლაპარაკებების შემდეგ, რომელიც აშშ-ს 28-პუნქტიან სამშვიდობო წინადადებას ეხებოდა, მხარეებმა ერთობლივი განცხადება გაავრცელეს, რომელშიც მოლაპარაკებები “კონსტრუქციულად” შეაფასეს.
მხარეებმა ასევე აღნიშნეს, რომ დისკუსიების შედეგად აშშ-მ და უკრაინამ “განახლებული და დახვეწილი” დოკუმენტი შეიმუშავეს.
ამასთან, მათი განცხადებით, მხარეები ერთობლივი წინადადების შედგენაზე მუშაობას აგრძელებენ, ხოლო სამუშაო ჩარჩოს ფარგლებში საბოლოო გადაწყვეტილებას უკრაინისა და აშშ-ს პრეზიდენტები მიიღებენ.