აქციაზე დაკავებული ლექტორი, ქეთევან ხუსკივაძე მისმა ადვოკატმა, მარიამ კალანდაძემ მოინახულა. ადვოკატი ამბობს, რომ დაკავების შემდეგ, ხუსკივაძეს სილურჯეები აღენიშნება და ტკივილებს უჩივის.

“ქეთევან ხუსკივაძე, დაახლოებით, 10-მდე პირმა დააკავა, რის შედეგადაც მას მკლავის არეში სილურჯეები აღენიშნება და კისრისა და იღლიის არეში ტკივილს უჩივის. მას სიტყვიერი შეურაცხყოფაც მიაყენეს […]

ქეთევანი ჰიპერტონიკია და სასამართლოს შუამდგომლობით მივმართავთ, რომ ეს საკითხი გაითვალისწინოს. იმიტომ, რომ მას კრიზი ჰქონდა – წნევა 160 ჰქონდა როგორც დაკავების დღეს, ასევე გუშინაც”. – თქვა ხუსკივაძის ადვოკატმა TV პირველთან საუბარში.

თსუ-ის ლექტორი, ქეთევან ხუსკივაძე 19 ნოემბერს, რეჟიმის პატიმრის, მათე დევიძის მხარდამჭერი მარშის დროს, მელიქიშვილის გამზირზე, პოლიციელის სიტყვიერი შეურაცხყოფის ბრალდებით დააკავეს. მისი სასამართლო პროცესი დღეს, 21 ნოემბერს უნდა გაიმართოს