პატრიარქის გადაწყვეტილების შემდეგ, რომლითაც არქიმანდრიტი დოროთე ყურაშვილი ბეთლემის ტაძრის წინამძღვრობიდან გათავისუფლდა, თავად არქიმანდრიტი აცხადებს, რომ სამებაში ცხოვრობს და რადგან ბეთლემში ბევრი ვერ ახერხებდა მისვლას, მრევლს ეტყვის, რომ კვირაობით სამებაში მივიდეს და იქ აზიარებს.

ამავე დროს, არქიმანდრიტი მადლობას უხდის პატრიარქს, რომელმაც მისი “მღვდლობა დაიცვა”.

არქიმანდრიტი დოროთე, ასევე ეხმიანება გიორგი ვოლსკის მხრიდან მისი მისამართით გამოთქმულ კრიტიკას:

“ვოლსკი ჩემი ლოცვის კომპეტენციაში რომ ერევა და განიხილავს, ნიშნავს, რომ ქვეყანა დაღუპულია, ეკლესიაც დაღუპულია. სად ვოლსკი და სად არქიმანდრიტი დოროთე. „მამაო ჩვენოს“ ციტატა თქვა და ისიც დამახინჯებით, „მამაო ჩვენოც“ არ იცის ბოლომდე. „უფალო, შემიწყალენ“ რომც იძახონ, უფალი მათ არ და ვერ შეიწყალებს, რადგან ადამიანებს, რომლებიც ქუჩაში ხალხს ხოცავენ და ქვეყანას ღუპავენ, არ შეიწყალებს ღმერთი, ქრისტიანები არ არიან“, – განაცხადა არქიმანდრიტმა.