ივანიშვილის პრემიერი, ირაკლი კობახიძე ტელეკომპანია ფორმულას ჟურნალისტების, ვახო სანაიასა და ქეთა ციცქიშვილის დაკავებასა და მათთვის ადმინისტრაციული პატიმრობის შეფარდებას გამოეხმაურა.
“არცერთი ჟურნალისტი არ არის დაჭერილი. ეს 2 ადამიანი ჩვეულებრივი პარტაქტივია. ისინი კანონსაწინააღმდეგო აქციაში მონაწილეობდნენ არა როგორც ჟურნალისტები, არამედ როგორც პარტაქტივი.
რაც უნდათ, ის გამოხატონ, მაგრამ კანონსაწინააღმდეგო აქციაში მონაწილეობა შესაბამისად ისჯება. 50 კაცით ქუჩა გადაკეტეს, ეს კანონდარღვევაა. მათი ეს სასჯელი ზეპროპორციულია, უაღრესად პროპორციული […] ისინი არიან კოლექტიური ნაცმოძრაობის პარტაქტივი და ისე არიან დაჭერილი, როგორც პარტაქტივისტები […] რომელი ჟურნალისტები ისინი არიან. პარტიულ ტელევიზიაში პარტაქტივი მუშაობს”. – თქვა კობახიძემ ჟურნალისტებთან საუბარში.
აქციაზე გზის გადაკეტვის ბრალდებით, ვახო სანაიას 6-დღიანი, ქეთა ციცქიშვილს კი – 5 დღიანი ადმინისტრაციული პატიმრობა შეეფარდათ.