ზუგდიდში დევნილებმა, რომლებმაც ბინები ვერ მიიღეს აქცია გამართეს. ისინი ახსნა-განმარტებას და ადგილობრივი ხელისუფლების წარმომადგენლებთან შეხვედრას ითხოვდნენ.მათი თქმით, ისინი უმძიმეს სოციალურ პირობებში ცხოვრობენ და აქვთ ექსპერტიზის დასკვნა, რომ შენობა, რომელშიც ამჟამად ცხოვრობენ ავარიულია. თუმცა, მათივე მტკიცებით, ამის მიუხედავად, დაბალი ქულები მიიღეს და ბინების გარეშე დარჩნენ.აქციაზე ერთი ქალი შეუძლოდ გახდა.
სასწრაფო დახმარების ბრიგადამ ის ზუგდიდის რეფერალურ საავადმყოფოში გადაიყვანა.აქციის მონაწილეებმა ზუგდიდი- თბილისის ცენტრალური მაგისტრალის გადაკეტვა სცადეს, თუმცა, პოლიციამ მათ ამის საშუალება არ მისცა. ადგილზე 50-მდე პოლიციელი რჩება მობილიზებული.მანამდე დევნილთა სამინისტრომ იმ ოჯახების სიას გამოაქვეყნა, რომლებსაც ზუგდიდში ბინები გადაეცემათ.
