ოკუპირებულ აფხაზეთში, გაგრის მთიანი ზონის ტყეში ხანძარი გაჩნდა, – ამის შესახებ „სპუტნიკს“ დე ფაქტო საგანგებო სიტუაციების სამინისტროში განუცხადეს. „ხანძარი ხალხს არ ემუქრება, სახლები შორსაა. ხანძრის ჩაქრობა რთულია, ვინაიდან ფერდობები ძალიან ციცაბოა“, – განაცხადა გაგრის რაიონის ე.წ. სახანძრო-სამაშველო რაზმის მეთაურმა ამირან ფაჩულიამ.
მისივე თქმით, ხანძარს გაგრის რაიონის „საგანგებო სიტუაციების სამინისტროს“ მთელი პირადი შემადგენლობა ებრძვის.„ადგილზე მუშაობს 80 ადამიანი და 4 სახანძრო მანქანა. ადგილმდებარეობა ძალიან რთულია და მიუვალი. ხანძრის კერასთან მისასვლელად მეხანძრეები თოკებს იყენებენ“, – განაცხადა მან.
წინასწარი მონაცემებით, ხანძარი 4 კვადრატული კილომეტრის ფართობზეა გავრცელებული.