ამერიკის შეერთებული შტატების პრეზიდენტმა უკრაინას უფლება მისცა, რუსეთის შიდა ტერიტორიაზე დარტყმები განახორციელოს. ამის შესახებ განცხადება უკრაინაში დონალდ ტრამპის სპეციალურმა წარმომადგენელმა, კიტ კელოგმა “ფოქს ნიუსის” ეთერში გააკეთა.
“გამოიყენეთ შესაძლებლობა შორ მანძილზე დარტყმების განსახორციელებლად, არავითარი თავშესაფარი არ არსებობს” – ამბობს გენერალი კელოგი.
რუსეთ-უკრაინის ომზე ისაუბრა ამერიკის შეერთებული შტატების ვიცე პრეზიდენტმა. ჯეი დი ვენსი ამბობს, რომ ბოლო კვირების განმავლობაში რუსეთი უარს ამბობს როგორც უკრაინასთან ორმხრივ შეხვედრებზე, ასევე სამმხრივ მოლაპარაკებებზე ამერიკელების მონაწილეობით.
ვენსმა ასევე განაცხადა, რომ შტატების პრეზიდენტის ადმინისტრაცია უკრაინისთვის “ტომაჰავკის” ტიპის რაკეტების გადაცემას განიხილავს. აღნიშნული თანამედროვე რაკეტების მოქმედების მანძილი დაახლოებით 1,600 კილომეტრია.