20 სექტემბერს, საბერძნეთში, ქალაქ თესალონიკში მოქმედი ქართულ-ბერძნული დიასპორული ასოციაციის „თერგის“ (ხელმძღვანელი ია ხუროშვილი) ბაზაზე არსებული საკვირაო სკოლის „მერცხალის“ ღონისძიება გაიმართა. ღონისძიება ახალი სასწავლო წლის დაწყებას მიეძღვნა და მას საბერძნეთში საქართველოს გენერალური კონსულიც დაესწრო.
საკვირაო სკოლაში გაიხსნა ქართული ბიბლიოთეკა, რომელსაც “ბიბლუსის“ შემოქმედებითმა დირექტორმა და „წიგნიერების გამავრცელებელი საზოგადოების“ თავმჯდომარემ, გიორგი კეკელიძემ 200 ცალი ქართული წიგნი საჩუქრად გადასცა.
ღონისძებას აგრეთვე ესწრებოდნენ თესალონიკის ქართული სამრევლოს წინამძღვარი, პროტოპრესვიტერი გიორგი მათურელი, ქართული დიასპორული ორგანიზაციების ხელმძღვანელები, თესალონიკში მცხოვრები ქართველი პოეტები და საქართველოს მოქალაქეები.
