კოალიცია “ცვლილებისთვის” ერთ-ერთი ლიდერი, პატიმარი ნიკა გვარამია 13 სექტემბერს დაანონსებულ აქციასთან დაკავშირებით სტატუსს აქვეყნებს და მოქალაქეებს მოუწოდებს, თსუ-სთან შეიკრიბონ:
“დღეს 7 საათზე, თსუ-ს პირველ კორპუსთან, დაათვლევინე შენი თავი მათ, ვინც ამტკიცებს რომ პატრიოტები ცოტანი ვართ!
მე ვერ მივდივარ, ჩემს ნაცვლად წადი შენ!
არა რუსულ რეჟიმს!”, – წერია ნიკა გვარამიას ოფიციალურ გვერდზე.
შეგახსენებთ, აქცია მანამდე დაანონსდა, სანამ ლევან ხაბეიშვილს დააკავებდნენ. ასევე შეგახსენებთ, რომ ლევან ხაბეიშვილის პროცესი დღეს, 18:00-ზეა ჩანიშნული. პროკურატურა ლევან ხაბეიშვილისთვის წინასწარი პატიმრობის, ხოლო მურთაზ ზოდელავასთვის გირაოს შეფარდებას ითხოვს.