ფინანსთა სამინისტროს საგამოძიებო სამსახურის ცნობით, წინასწარი შეთანხმებით, ჯგუფის მიერ დიდი ოდენობით სხვისი ქონების მოტყუებით დაუფლების მცდელობის ფაქტზე 2 პირი: გ.ლ. და შ.გ. დააკავეს.
“გამოძიებით დადგინდა, რომ ერთ-ერთი მოქალაქე, რომელსაც თბილისში სამშენებლო ნებართვის მიღება ესაჭიროებოდა, დაარწმუნეს, რომ თითქოსდა გ.ლ. სუს-ში ხელმძღვანელ პოზიციას იკავებდა და თავისი სამსახურებრივი სტატუსიდან გამომდინარე, თბილისის მერიის მიერ დროის მოკლე მონაკვეთში მიწის ნაკვეთზე მრავალბინიანი კორპუსის მშენებლობის ნებართვის გაცემაში დაეხმარებოდა, რის სანაცვლოდაც ჯამში 70 000 დოლარი მოითხოვეს. 22 აგვისტოს ბრალდებულებმა მოქალაქეს 10 000 დოლარი წინასწარ მოსთხოვეს, რომლის გადაცემისთანავეც ისინი დავაკავეთ”. – თქვა ფინანსთა სამინისტროს საგამოძიებო სამსახურის უფროსის მოადგილემ, ია ახალაიამ.
უწყების ცნობით, გამოძიება მე-19 180-ე მუხლის მე-2 და მე-3 ნაწილებით მიმდინარეობს, რაც 6-დან 9 წლამდე თავისუფლების აღკვეთას ითვალისწინებს.