რუსეთის პრეზიდენტმა ვლადიმერ პუტინმა ოკუპირებული აფხაზეთის დე ფაქტო ლიდერს ბადრა გუნბას დაბადების დღე მიულოცა. ამის შესახებ Apsadgil.info იუწყება.
„პატივცემულო ბადრა ზურაბოვიჩ! გილოცავთ დაბადების დღეს! გისურვებთ ჯანმრთელობას, დღეგრძელობას და წარმატებას სახელმწიფო საქმიანობაში.
ჩვენმა შეხვედრებმა მოსკოვში, რომლებიც მარტსა და მაისში გაიმართა, რუსულ-აფხაზური ურთიერთობების მეგობრული, სამოკავშირეო ხასიათი დაადასტურეს. რა თქმა უნდა, ჩვენ გავაგრძელებთ ორმხრივ თანამშრომლობას აქტუალურ საკითხებში, რაც ჩვენი ხალხების კეთილდღეობისა და რეგიონული სტაბილურობისა და უსაფრთხოების ინტერესებს ემსახურება“, – წერს ვლადიმერ პუტინი.
სოხუმელ კოლეგას დაბადების დღე ცხინვალის დე ფაქტო ლიდერმა ალან გაგლოევმაც მოულოცა.