უკრაინაში ტერნოპოლელი ქართველი მოხალისე დაიღუპა: 20 მაისს კიევში დაკრძალეს ხარკოვის ოლქში, დავალების შესრულებისას დაღუპული ქართველი სერგო გორნაკაშვილი – ის მტრის ჭურვმა იმსხვერპლა.
სერგო ტერნოპოლში დაიბადა ის 2007 წლამდე საქართველოში ცხოვრობდა. უკრაინაში დაბრუნების შემდეგ ფეხბურთს თამაშობდა, 2019 წელს კი მწვრთნელის ლიცენზია აიღო და ბავშვებს წვრთნიდა.
ასევე ამ პერიოდში, კიევში ქართული საცხობი გახსნა და ოჯახს ასე არჩენდა, თუმცა, ფართომასშტაბიანი შეჭრის დაწყებისთანავე ბევრი არ უფიქრია და მოხალისედ წავიდა. ირიცხებოდა კიევის ტერიტორიული თავდაცვის რაზმში. დაჯილდოებულია რამდენიმე მედლით.
სერგო გორნაკაშვილი 20 მაისს, კიევში დაკრძალეს. მას დედ-მამა, ცოლი, ორი გოგო და ერთი ბიჭი დარჩა.