“ევროსკოპის” ინფორმაციით, ევროპარლამენტის ადამიანის უფლებების ქვეკომიტეტის (DROI) წევრები 26 მაისს თბილისში იქნებიან. “ევროსკოპისთვის” მოწოდებულ სიაში შემდეგი დეპუტატები შედიან: ადრიან ვასკეს ლაზარა, რასა იუკნევიჩიენე, კატარინა ვიერია, ნაჩო სანჩეს ამორი და მატიუ ვალეტი.

ევროპარლამენტარებს ექნებათ შეხვედრები სხვადასხვა უწყებების წარმომადგენლებთან, მათ შორის დაგეგმილია შეხვედრა სახალხო დამცველთან.

ევროპარლამენტის ვებგვერდზე გავრცელებული ინფორმაციით, ქვეკომიტეტის წევრები შეხვედრებს 19-20 მაისს ჟენევაში, 26 მაისს საქართველოში, 21 ივლისს კონგოს დემოკრატიულ რესპუბლიკაში, 15 სექტემბერს ბანგლადეშში, 27 ოქტომბერს კი თურქეთში გამართავენ.